ប្រទេសចិនបានប្រកាសកាលពីថ្ងៃច័ន្ទ(ទី៣១ខែមីនា)ពីការរកឃើញស្តុកប្រេងឆៅដែលបានប៉ាន់ប្រមាណថាមានចំនួន 100 លានតោននៅភាគឦសាននៃសមុទ្រចិនខាងត្បូង នេះបើយោងតាមសេចក្តីថ្លែងការណ៍ពីសាជីវកម្មប្រេងឈូងសមុទ្រជាតិចិន (CNOOC) ។

ទីភ្នាក់ងារព័ត៌មានអ៊ីតាលីANSA បានរាយការណ៍កាលពីថ្ងៃចន្ទ(ទី៣១ខែមីនា)ថា អគ្គីភ័យដ៏ធំមួយបានឆាបឆេះពេញមួយយប់នៅឯក្រុមហ៊ុនលក់រថយន្ត Tesla នៅជាយក្រុងរ៉ូម ដោយបានបំផ្លាញរថយន្តចំនួន17គ្រឿងនិងជំរុញឱ្យមានការស៊ើបអង្កេតលើការឆេះផងដែរ។

ក្រសួងសុខាភិបាលប៉ាឡេស្ទីន បាននិយាយកាលពីថ្ងៃច័ន្ទ(ទី៣១ខែមីនា)ថា ក្រុមគ្រូពេទ្យនិងក្រុមជួយសង្គ្រោះប៉ាឡេស្ទីន បានរកឃើញសាកសពចំនួន៨០បន្ថែមទៀតពីគំនរបាក់បែក នៅតំបន់ហ្គាហ្សាស្ទ្រីប ដែលជំរុញឱ្យចំនួនអ្នកស្លាប់សរុបពីសង្គ្រាមប្រល័យពូជសាសន៍ របស់អ៊ីស្រាអែលចាប់តាំងពីខែតុលាឆ្នាំ 2023 កើនដល់ 50,357នាក់។

ក្រសួងសុខាភិបាលដែលគ្រប់គ្រងដោយក្រុម Houthi បាននិយាយកាលពីថ្ងៃចន្ទ(ទី៣១ខែមីនា)ថា មនុស្សពីរនាក់បានស្លាប់និង7 នាក់ផ្សេងទៀតបានរងរបួសនៅក្នុងការវាយប្រហារតាមផ្លូវអាកាសជាថ្មីរបស់សហរដ្ឋអាមេរិកទៅលើភាគខាងជើងប្រទេសយេម៉ែន ក្រសួងសុខភាពដែលគ្រប់គ្រងដោយក្រុម Houthi បាននិយាយកាលពីថ្ងៃចន្ទ ខណៈដែលប្រតិបត្តិការយោធាអាមេរិកនៅក្នុងតំបន់បន្តកើនឡើង។

នាយករដ្ឋមន្រ្តីនៃប្រទេសម៉ាឡេស៊ី លោក Anwar Ibrahim ប្រកាសថាម៉ាឡេស៊ីនឹងផ្តល់ជំនួយមនុស្សធម៌ គិតជាទឹកប្រាក់ស្មើនឹង១០លានរីងហ្គីត(២.៣លានដុល្លារ)ដើម្បីជួយដល់ជនរងគ្រោះដោយសាររញ្ជួយដីនៅមីយ៉ាន់ម៉ា។ ប្រភពពីសារព័ត៌មានCNA។

(ភ្នំពេញ)៖ ក្រសួងការងារនិងបណ្តុះបណ្តាលវិជ្ជាជីវៈបាននិយាយថា គិតត្រឹមម៉ោង ៣:៣០នាទីរសៀល នៅថ្ងៃច័ន្ទ(ទី៣១ ខែមីនា)អាជ្ញាធរថៃ បានរកឃើញសាកសពពលករខ្មែរម្នាក់ដែលស្ថិតនៅក្នុងករណីគ្រោះរញ្ជួយដីនៅប្រទេសថៃ។ ជនរងគ្រោះមានឈ្មោះ មាស សាវ៉ាង មានទីលំនៅក្នុងស្រុកម៉ាឡៃ ខេត្តបន្ទាយមានជ័យ។

ប្រព័ន្ធផ្សព្វផ្សាយHouthi បានរាយការណ៍កាលពីថ្ងៃសៅរ៍(ទី២៩ខែមីនា)ថា ការវាយប្រហារតាមអាកាសចំនួនប្រាំពីរលើករបស់អាមេរិកបានផ្តោតលើខេត្តSaada ភាគខាងជើងនៃប្រទេសយេម៉ែន។

កងទ័ពអ៊ីស្រាអែលកាលពីថ្ងៃអាទិត្យ(ទី៣០ខែមីនា)បានអះអាងថា ខ្លួនបានស្ទាក់ចាប់កាំជ្រួចដែលបាញ់ចេញពីប្រទេសយេម៉ែន ដោយជោគជ័យមុនពេលដែលវាអាចវាយប្រហារដែនអាកាសអ៊ីស្រាអែល។

អាជ្ញាធរគ្រប់គ្រងគ្រោះមហន្តរាយក្នុងតំបន់បាននិយាយកាលពីថ្ងៃអាទិត្យ(ទី៣០ខែមីនា)ថា ចំនួនអ្នកស្លាប់ដោយសាររញ្ជួយដី កាលពីថ្ងៃសុក្រ នៅរដ្ឋធានីបាងកក របស់ប្រទេសថៃ បានកើនឡើងដល់ 17នាក់ ដោយមនុស្ស 32 នាក់បានរងរបួស និង83នាក់ទៀតកំពុងបាត់ខ្លួន។ ប្រភពពីសារព័ត៌មានAljazeera។