Category: ពត៌មានអន្តរជាតិ

មេបញ្ជាការកងទ័ពជើងគោកអ៊ុយក្រែន កាលពីថ្ងៃសុក្រថា បាននិយាយថាប្រទេសរុស្ស៊ី កំពុងប្រមូលផ្តុំកម្លាំងថ្មីចំនួន100,000 នាក់ សម្រាប់ធ្វើការវាយលុក អ៊ុយក្រែន នារដូវក្តៅនេះ។

ក្រសួងសុខាភិបាល នៅក្នុងក្រុមឡោមព័ទ្ធ បាននិយាយកាលពីថ្ងៃសុក្រថា ការវាយបករបស់អ៊ីស្រាអែល មកលើតំបន់ហ្គាហ្សា ក្នុងរយៈពេល២៤ម៉ោងចុងក្រោយនេះ បណ្ដាលឱ្យស្លាប់៨២នាក់ និងរបួស១១០នាក់។ ជាហេតុនាំឱ្យចំនួនអ្នកស្លាប់ នៅតំបន់ហ្គាហ្សា សរុបកើនដល់ ៣២.០៧០នាក់ និងរបួសសរុប ៧៤.២៩៨នាក់ ជនរងគ្រោះភាគច្រើនជា ស្ដ្រីនិងកុមារ។

អធិការបតីអាល្លឺម៉ង់ Olaf Scholzកាលពីថ្ងៃសុក្រ បានអំពាវនាវដល់អ៊ីស្រាអែល ឱ្យបើកច្រកឆ្លងកាត់ដីបន្ថែមទៀត និងអនុញ្ញាតឱ្យផ្តល់ជំនួយមនុស្សធម៌បន្ថែមទៀត ទៅកាន់តំបន់ហ្គាហ្សា។

ក្រសួងសុខាភិបាល នៅក្នុងក្រុមឡោមព័ទ្ធ បាននិយាយកាលពីថ្ងៃសុក្រថា យ៉ាងហោចណាស់ជនជាតិប៉ាឡេស្ទីន 32,070 នាក់ត្រូវបានសម្លាប់ ។

ក្រសួងការបរទេស នៃបណ្តាប្រទេសអឺរ៉ុប បានសម្តែងការរំលែកទុក្ខដល់ក្រុមគ្រួសារនៃអ្នកស្លាប់ ឬរបួសនៅក្នុងការបាញ់ប្រហារ និងបំផ្ទុះគ្រាប់បែក លើសាលប្រគុំតន្ត្រី ក្បែរទីក្រុងមូស្គូ កាលពីថ្ងៃសុក្រ។

អ៊ុយក្រែនបាននិយាយ កាលពីថ្ងៃសុក្រថា ខ្លួនមិនជាប់ពាក់ព័ន្ធក្នុងការបាញ់ប្រហារ ដ៏សាហាវលើសាលប្រគុំតន្ត្រី ក្នុងតំបន់មូស្គូរបស់រុស្ស៊ីនោះទេ។

គណៈកម្មាធិការ ស៊ើបអង្កេតរុស្ស៊ី បានប្រកាស កាលពីថ្ងៃសុក្រថា ខ្មាន់កាំភ្លើងបានសម្លាប់ មនុស្ស60នាក់ និងរបួស147នាក់ នៅនៅសាលប្រគុំតន្ត្រី ក្បែរទីក្រុងមូស្គូ។

រដ្ឋមន្ត្រីការបរទេស​អាមេរិក លោក Antony Blinken បាន​និយាយថា សហរដ្ឋអាមេរិក បញ្ជូន​សេចក្តីព្រាង​សេចក្តីសម្រេច​របស់​ក្រុមប្រឹក្សាសន្តិសុខ​អង្គការសហប្រជាជាតិ។ ដោយ​អំពាវនាវ ឱ្យមាន​បទ​ឈប់​បាញ់​ជាបន្ទាន់​! រួមទាំង​ការដោះលែង​ចំណាប់ខ្មាំង នៅតំបន់​ហ្គា​ហ្សា​ស្ទ្រី​ប​។​

ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានអំពាវនាវដល់លោកខាងលិច ឱ្យផ្តល់ប្រព័ន្ធការពារអាកាស បន្ថែមទៀតដល់​អ៊ុយក្រែន។

យោងតាមសាក្សី បានឱ្យដឹងថា ជនជាតិប៉ាឡេស្ទីន ជាច្រើននាក់ បានស្លាប់នៅក្នុងការបាញ់ផ្លោងដោយរថក្រោះរបស់អ៊ីស្រាអែល នៅជិតមន្ទីរពេទ្យ Al-Shifa ក្នុងទីក្រុង Gaza កាលពីថ្ងៃព្រហស្បតិ៍..!។