ចំនួនអ្នកស្លាប់នៅក្នុងប្រទេសប្រេស៊ីល ដោយសារភ្លៀងធ្លាក់ខ្លាំងបានកើនឡើងដល់ 29នាក់កាលពីថ្ងៃព្រហស្បតិ៍ ។
ដោយប្រតិបត្តិការស្វែងរកនៅតែបន្តសម្រាប់មនុស្ស 60 នាក់ដែលត្រូវបានរាយការណ៍ថាកំពុងបាត់ខ្លួន។
ភ្លៀងដែលបាននិងកំពុងប៉ះពាល់ដល់រដ្ឋភាគខាងត្បូងនៃទីក្រុង Rio Grande do Sul អស់រយៈពេលជាច្រើនថ្ងៃ បានបណ្តាលឱ្យបាត់បង់ជីវិត និងទ្រព្យសម្បត្តិ។
នាយកដ្ឋានការពារជនស៊ីវិលរបស់ Rio Grande do Sul បានរាយការណ៍ថា ភ្លៀងធ្លាក់ខ្លាំងបានធ្វើឱ្យខូចខាតយ៉ាងធ្ងន់ធ្ងរលើទីក្រុងចំនួន 154 ដែលប៉ះពាល់យ៉ាងធ្ងន់ធ្ងរដល់មនុស្ស 71,300 នាក់។
អភិបាលក្រុង Rio Grande do Sul លោក Eduardo Leite ក្នុងសន្និសីទសារព័ត៌មានបានសង្កត់ធ្ងន់ថា នៅមានតំបន់ដែលពួកគេមិនអាចទៅដល់បាន។
លោក Leite បានគូសបញ្ជាក់អំពីលទ្ធភាពនៃចំនួនអ្នកស្លាប់កើនឡើង ហើយបានកត់សម្គាល់ថាប្រតិបត្តិការស្វែងរក និងជួយសង្គ្រោះកំពុងត្រូវបានអនុវត្តដោយផ្លូវគោក សមុទ្រ និងផ្លូវអាកាស។
គាត់បានប្រកាសថាជា “ស្ថានភាពនៃគ្រោះមហន្តរាយ” សម្រាប់រយៈពេល180 ថ្ងៃដោយសារតែទំហំនៃសោកនាដកម្មនេះ ។
ហើយបាននិយាយថា កិច្ចខិតខំប្រឹងប្រែងបន្តជម្លៀសប្រជាជនចេញពីតំបន់គ្រោះមហន្តរាយ៕