យ៉ាងហោចណាស់មនុស្ស៤នាក់ បានស្លាប់ និង៣០នាក់ផ្សេងទៀត បានរងរបួស។
ដោយសារតែការវាយប្រហារតាមអាកាសរបស់រុស្ស៊ី មកលើតំបន់ផ្សេងៗនៃអ៊ុយក្រែន ។
នេះបើយោងតាមមន្ត្រីក្នុងតំបន់កាលពីថ្ងៃចន្ទ។
អាជ្ញាធរបាននិយាយ នៅក្នុងសេចក្តីថ្លែងការណ៍មួយនៅលើ Telegramថា “ការវាយប្រហារដោយកាំជ្រួចដ៏ធំមួយទៅលើស្រុក Kryvyi Rih និង Kryvyi Rih (ក្នុងតំបន់ Dnipropetrovsk)ដូចជា ផ្សារទំនើប អគារខ្ពស់ៗ និងផ្ទះប្រជាពលរដ្ឋ”។
អភិបាលក្រុង Dnipropetrovsk លោក Serhii Lysak បានរាយការណ៍ថា មនុស្ស ២៧ នាក់ផ្សេងទៀតបានរងរបួសនៅក្នុងទីក្រុង Novomoskovsk ដោយសារតែការវាយប្រហារដោយគ្រាប់រ៉ុក្កែត ដែលក្នុងនោះ ៤នាក់ជាកុមារ។
ជាមួយគ្នានោះ ទីក្រុង Kharkiv នៅភាគខាងកើតអ៊ុយក្រែន បានជួបប្រទះការបាញ់ផ្លោង ដែលបានបំផ្លាញហេដ្ឋារចនាសម្ព័ន្ធស៊ីវិល និងធ្វើឱ្យមនុស្សពីរនាក់រងរបួសផងដែរ។
លោកបានបន្ថែមថា មនុស្សពីរនាក់ទៀតក៏ត្រូវបានគេជួយសង្គ្រោះពីទីក្រុង Zmiiv ក្នុងតំបន់ Kharkiv ដែរ។
ក្នុងសេចក្តីថ្លែងការណ៍ក្រោយមក អភិបាលក្រុង Kharkiv លោក Oleh Synyehubov បាននិយាយថា ស្ត្រីម្នាក់ដែលត្រូវបានគេជួយសង្គ្រោះពីក្រោមគំនរបាក់បែកផ្ទះក្នុងទីក្រុង Zmiiv បានស្លាប់។
គ្រាប់រ៉ុក្កែតបានវាយប្រហារតំបន់លំនៅដ្ឋានក្នុងតំបន់ Zaporizhzhia ដោយសារតែមនុស្ស 4 នាក់បានរងរបួស និងកំពុងទទួលបានជំនួយផ្នែកវេជ្ជសាស្រ្តចាំបាច់។
ក្រោយមកអភិបាលខេត្ត Zaporizhzhia លោក Yuriy Malashko បាននិយាយនៅលើ Telegram ថា មនុស្សប្រាំនាក់នៅក្នុងតំបន់កំពុងស្ថិតនៅក្នុងមន្ទីរពេទ្យ ដោយម្នាក់ស្ថិតក្នុងស្ថានភាពធ្ងន់ធ្ងរ។
គួរបញ្ជាក់ថា មនុស្សជិត 120នាក់បានស្លាប់និង 480 នាក់ផ្សេងទៀតបានរងរបួសនៅក្នុងតំបន់ជាច្រើននៃប្រទេសអ៊ុយក្រែន រួមទាំងរដ្ឋធានី Kyiv ។
ដោយសារការវាយប្រហារតាមអាកាសរបស់រុស្ស៊ី ចាប់តាំងពីថ្ងៃទី 29 ខែធ្នូ នេះបើយោងតាមអ្នកសម្របសម្រួលមនុស្សធម៌របស់អង្គការសហប្រជាជាតិ សម្រាប់អ៊ុយក្រែនលោក Denise Brown៕