ក្រសួងសុខាភិបាលលីបង់ បាននិយាយកាលពីថ្ងៃសៅរ៍(ទី១៦ខែវិច្ឆិកា)ថា ចំនួនអ្នកស្លាប់ ដោយសារការវាយលុកដែលកំពុងបន្តរបស់អ៊ីស្រាអែល លើប្រទេសលីបង់ ចាប់តាំងពីថ្ងៃទី 8 ខែតុលា ឆ្នាំ 2023 បានកើនឡើងដល់ 3,452នាក់ហើយ។
ប្រភពពីសារព័ត៌មានAnadolu Agency ។
សេចក្តីថ្លែងការណ៍ របស់ក្រសួងបាននិយាយថា មនុស្ស ៧នាក់បានស្លាប់ និង៦៥នាក់ផ្សេងទៀតបានរងរបួសនៅក្នុងការវាយប្រហាររបស់អ៊ីស្រាអែលក្នុងរយៈពេល 24 ម៉ោងចុងក្រោយនេះ ដែលបង្កើនចំនួនអ្នករងរបួសដល់ 14,664។
អ៊ីស្រាអែលបានធ្វើយុទ្ធនាការ ផ្លូវ អាកាសដ៏ធំមួយក្នុង ប្រទេសលីបង់ប្រឆាំងនឹងអ្វីដែលខ្លួនអះអាងថាជាគោល ដៅ របស់ក្រុមហេសបូឡាចាប់តាំងពីថ្ងៃទី២៣ខែកញ្ញាដោយធ្វើ ឲ្យមនុស្សជាង ១,៣៤លាននាក់ ភៀស ខ្លួន។
យុទ្ធនាការពីលើអាកាស គឺជាការកើនឡើងពីសង្គ្រាមឆ្លងព្រំដែនរយៈពេលមួយឆ្នាំរវាងអ៊ីស្រាអែល និងក្រុមហេសបូឡា ចាប់តាំងពីការចាប់ផ្តើមនៃការវាយលុករបស់ខ្លួនលើតំបន់ហ្គាហ្សាស្ទ្រីប ។ ដែលក្នុងនោះអ៊ីស្រាអែលបានសម្លាប់មនុស្សជាង 43,700នាក់ ដែលភាគច្រើនជាស្ត្រី និងកុមារ ចាប់តាំងពីការវាយប្រហាររបស់ក្រុមហាម៉ាសលើកចុងក្រោយ៕