អ្នកកាសែត 5 នាក់មកពីប៉ុស្តិ៍ Al-Quds Todayបានស្លាប់នៅព្រឹកថ្ងៃព្រហស្បតិ៍(ទី២៦ខែធ្នូ)នៅពេលដែលអ៊ីស្រាអែលបានវាយប្រហារលើរថយន្តផ្សាយរបស់ពួកគេនៅជិតមន្ទីរពេទ្យ al-Awda ក្នុងជំរុំជនភៀសខ្លួន Nuseirat នៃ Gaza នេះបើយោងតាមមន្រ្តីប៉ាឡេស្ទីននិងរបាយការណ៍ប្រព័ន្ធផ្សព្វផ្សាយ។
អ្នកកាសែតកំពុងរាយការណ៍អំពីព្រឹត្តិការណ៍ នៅមន្ទីរពេទ្យពេលរថយន្តដែលមានអក្សរ «PRESS» ជាអក្សរក្រហមធំត្រូវបុក។
ជនរងគ្រោះត្រូវបានគេស្គាល់ថាជា Fadi Hassouna, Ibrahim al-Sheikh Ali, Mohammed al-Ladah, Faisal Abu al-Qumsan និង Ayman al-Jadi ។
ការិយាល័យប្រព័ន្ធផ្សព្វផ្សាយរដ្ឋាភិបាលដែលមានមូលដ្ឋាននៅហ្គាហ្សាបានថ្កោលទោសការសម្លាប់នេះ ហើយបានជំរុញសហគមន៍អន្តរជាតិ និងក្រុមសិទ្ធិមនុស្សឱ្យថ្កោលទោសឧក្រិដ្ឋកម្មរបស់អ៊ីស្រាអែល និងកាត់ទោសពួកគេនៅចំពោះមុខតុលាការអន្តរជាតិ។
ការិយាល័យបានបន្ថែមថាជនរងគ្រោះថ្មីបាននាំចំនួនអ្នកកាសែតដែលត្រូវបានសម្លាប់ដោយអ៊ីស្រាអែលនៅហ្គាហ្សាចាប់តាំងពីខែតុលាឆ្នាំមុនដល់ 201 ។
អ្នកឆ្លើយឆ្លងព័ត៌មាន Al Jazeera លោក Anas al-Sharif បានរាយការណ៍ថា al-Jadi កំពុងរង់ចាំប្រពន្ធរបស់គាត់ដែលកំពុងសម្រាលកូនដំបូងរបស់ពួកគេនៅខាងក្រៅមន្ទីរពេទ្យនៅពេលមានការវាយប្រហារ។
ខ្សែអាត់វីដេអូពីកន្លែងកើតហេតុ បានបង្ហាញឱ្យឃើញថា រថយន្តបានឆាបឆេះយ៉ាងសន្ធោសន្ធៅ ខណៈដែលក្រុមការពារស៊ីវិល ធ្វើការជួយសង្គ្រោះសាកសព និងពន្លត់ភ្លើង។
យោធា អ៊ីស្រាអែលបានបញ្ជាក់ពីការវាយប្រហារដោយនិយាយថាវាបានកំណត់ គោលដៅលើរថយន្តដែលដឹកសមាជិកក្រុមជីហាតអ៊ីស្លាម។
យោធាបាននិយាយនៅក្នុងសារបង្ហោះនៅលើ X ថា “មុនពេលការវាយប្រហារ ជំហានជាច្រើនត្រូវបានគេអនុវត្តដើម្បីកាត់បន្ថយឱកាសនៃការបង្កគ្រោះថ្នាក់ដល់ជនស៊ីវិល រួមទាំងការប្រើប្រាស់អាវុធច្បាស់លាស់ ការសង្កេតពីលើអាកាស និងព័ត៌មានស៊ើបការណ៍បន្ថែម” ។
គណៈកម្មាធិការការពារអ្នកសារព័ត៌មាន (CPJ) បានថ្កោលទោសការសម្លាប់នេះ ដោយអំពាវនាវឱ្យមានការទទួលខុសត្រូវ។
អ៊ីស្រាអែលបានបន្តសង្រ្គាមប្រល័យពូជសាសន៍លើតំបន់ហ្គាហ្សា ដែលបានសម្លាប់មនុស្សជិត 45,400 នាក់ ដែលភាគច្រើនជាស្ត្រី និងកុមារ ចាប់តាំងពីមានការវាយប្រហារឆ្លងព្រំដែនដោយក្រុមហាម៉ាស់ប៉ាឡេស្ទីនកាលពីថ្ងៃទី 7 ខែតុលា ឆ្នាំ 2023។
កាលពីខែមុនតុលាការឧក្រិដ្ឋកម្ម អន្តរជាតិ បានចេញដីកាចាប់ខ្លួននាយករដ្ឋមន្ត្រីអ៊ីស្រាអែល Benjamin Netanyahu និង អតីត រដ្ឋមន្ត្រីការពារជាតិលោក Yoav Gallant ពី បទ ឧក្រិដ្ឋកម្មសង្គ្រាមនិងឧក្រិដ្ឋកម្មប្រឆាំងមនុស្សជាតិនៅតំបន់Gaza៕