ក្រុមគ្រូពេទ្យបាននិយាយថា កងទ័ពអ៊ីស្រាអែលបានប្រគល់សាកសពស្ត្រីប៉ាឡេស្ទីនម្នាក់ដែលកងកម្លាំងរបស់ខ្លួនបានឃុំនៅតំបន់ West Bank ដែលកាន់កាប់កាលពីថ្ងៃអង្គារ(ទី១១ខែមីនា)។
ប្រភពពីសារព័ត៌មានAnadolu Agency។
សង្គមអឌ្ឍចន្ទក្រហមប៉ាឡេស្ទីនបាននិយាយថា ក្រុមរបស់ខ្លួនបានយកសាកសពស្ត្រីអាយុ 60 ឆ្នាំម្នាក់មកពីកងកម្លាំងអ៊ីស្រាអែលនៅប៉ុស្តិ៍ត្រួតពិនិត្យ Jalameh ភាគខាងជើងនៃទីក្រុង Jenin ហើយបានបញ្ជូននាងទៅមន្ទីរពេទ្យ។
យ៉ាងណាមិញមិនមានព័ត៌មានលម្អិតណាមួយត្រូវបានផ្តល់ជូនអំពីស្ថានភាពនៃការស្លាប់របស់ស្ត្រីប៉ាឡេស្ទីននោះទេ។
សកម្មជនប៉ាឡេស្ទីនបាន ផ្សព្វផ្សាយវីដេអូទាហានអ៊ីស្រាអែលខណៈពួកគេបានផ្ទេរសាកសពស្ត្រីនោះដាក់ក្នុងថង់ខ្មៅពីសង្កាត់មួយរបស់Jenin។
សាក្សីបាននិយាយថា កងកម្លាំងអ៊ីស្រាអែលបានឡោមព័ទ្ធផ្ទះមួយនៅជិតជំរំជនភៀសខ្លួន Jenin នៅភាគខាងជើង West Bank ហើយបានបំផ្ទុះមួយទៀតនៅផ្លូវ Haifa ក្នុងទីក្រុង។
កងទ័ពអ៊ីស្រាអែលកំពុងធ្វើការវាយឆ្មក់យោធាដ៏សាហាវមួយនៅភាគខាងជើងតំបន់ West Bank ចាប់តាំងពីថ្ងៃទី 21 ខែមករា ដោយបានសម្លាប់ប្រជាជនប៉ាឡេស្ទីនយ៉ាងតិច 65 នាក់ និងរាប់ពាន់នាក់បានផ្លាស់ទីលំនៅ៕