សេចក្តីថ្លែងការណ៍ របស់តុលាការបាននិយាយថា អតីតប្រធានាធិបតីហ្វីលីពីនលោក Rodrigo Duterte ត្រូវបានចាប់ខ្លួន ដោយតុលាការឧក្រិដ្ឋកម្មអន្តរជាតិ កាលពីថ្ងៃពុធ(ទី១២ខែមីនា)។
ប្រភពពីសារព័ត៌មានCNA។
ប្រព័ន្ធផ្សព្វផ្សាយ ក្នុងស្រុកបានរាយការណ៍ថា អ្នកគាំទ្ររបស់គាត់កំពុងរង់ចាំការមកដល់របស់គាត់នៅឯបន្ទប់ឃុំឃាំង Scheveningen ក្នុងទីក្រុងឡាអេ ប្រទេសហូឡង់ជាមួយនឹងទង់ជាតិហ្វីលីពីននិងច្រៀងភ្លេងជាតិ។
បន្ទាប់ពីបានប្រកាសពីការឃុំឃាំងរបស់គាត់ សេចក្តីថ្លែងការណ៍បាននិយាយថា តុលាការបានរកឃើញសមហេតុផលក្នុងការជឿថា លោក Duterte មានទំនួលខុសត្រូវជាបុគ្គលជាសហឧក្រិដ្ឋជនដោយប្រយោលសម្រាប់ឧក្រិដ្ឋកម្មប្រឆាំងមនុស្សជាតិនៃអំពើឃាតកម្មដែលត្រូវបានចោទប្រកាន់ថាបានប្រព្រឹត្តនៅក្នុងប្រទេសហ្វីលីពីនចន្លោះថ្ងៃទី 1ខែវិច្ឆិកាឆ្នាំ2011ដល់ថ្ងៃទី16ខែមីនាឆ្នាំ2019៕