កាលពីថ្ងៃព្រហស្បតិ៍(ទី២៤ខែមេសា) ក្រុមអ្នកបុរាណវិទូនៅទីក្រុងបាសេឡូណាបានប្រកាសថា ពួកគេបានរកឃើញអដ្ឋិធាតុដែលត្រូវបានថែរក្សាយ៉ាងល្អគួរឱ្យកត់សម្គាល់នៃកប៉ាល់មជ្ឈិមសម័យមួយនៅឯការដ្ឋានសំណង់មួយ ដែលជាភាពកម្រមួយនៅក្នុងប្រវត្តិសាស្រ្តដែនសមុទ្ររបស់ទីក្រុង។
ប្រភពពីសារព័ត៌មានAnadolu Agency។
នាវានេះត្រូវបានគេរកឃើញនៅដើមខែនេះ អំឡុងពេលសាងសង់ចំណតរថយន្តនៅទីតាំងអតីតផ្សារត្រី ដែលឥឡូវនេះកំពុងស្ថិតក្រោមការអភិវឌ្ឍឡើងវិញជាមជ្ឈមណ្ឌលសម្រាប់ការច្នៃប្រឌិតវិទ្យាសាស្ត្រ នេះបើយោងតាមសារព័ត៌មានក្នុងស្រុក El Periodico ។
អ្នកបុរាណវត្ថុវិទូបាននិយាយនៅក្នុងសេចក្តីថ្លែងការណ៍មួយថា អដ្ឋិធាតុដែលមានប្រវែងប្រហែល 10 ម៉ែត្រ (32 ហ្វីត) និងទទឹងជាង 3 ម៉ែត្រ (10 ហ្វីត) រួមមានបន្ទះឈើនៃឆ្អឹងជំនីរឈើកោង និងបន្ទះក្តារដែលត្រូវបានរក្សាទុកក្នុងដីល្បាប់ដែលការពារឈើពីការពុកផុយ។
សំណង់នេះគឺជាលក្ខណៈនៃបច្ចេកទេសសាងសង់កប៉ាល់មេឌីទែរ៉ាណេ ដែលរីករាលដាលពាសពេញទ្វីបអឺរ៉ុបក្នុងអំឡុងចុងយុគសម័យកណ្តាល ហើយវាត្រូវបានគេប៉ាន់ស្មានថាមានអាយុកាលតាំងពីសតវត្សទី 15 ឬដើមសតវត្សទី 16 ។អ្នកបុរាណវត្ថុវិទូបានសាទរចំពោះការរកឃើញនេះថាអស្ចារ្យ មិនត្រឹមតែសម្រាប់ទំហំរបស់វាប៉ុណ្ណោះទេប៉ុន្តែសម្រាប់បរិបទដែលវាផ្តល់៕