កាលពីថ្ងៃព្រហស្បតិ៍(ទី១០ខែកក្កដា) រដ្ឋមន្ត្រីការបរទេសអាឡឺម៉ង់ និងអូទ្រីស បានជំរុញអ៊ីស្រាអែលអនុញ្ញាតឱ្យមានជំនួយមនុស្សធម៌បន្ថែមទៀតចូលទៅក្នុងតំបន់ហ្គាហ្សា។ ហើយសង្ឃឹមថាកិច្ចចរចាបទឈប់បាញ់នឹងទទួលបានជោគជ័យអាចធ្វើឱ្យប្រសើរឡើងនូវស្ថានភាពនៅក្នុងតំបន់។
ប្រភពពីសារព័ត៌មានAljazeera។
ថ្លែងនៅក្នុងសន្និសីទសារព័ត៌មានរួមនៅទីក្រុងវីយែន បន្ទាប់ពីកិច្ចប្រជុំត្រីភាគីរបស់ពួកគេ រដ្ឋមន្ត្រីការបរទេសអូទ្រីស លោក Beate Meinl-Reisinger បាននិយាយថា ទាំងប្រទេសអូទ្រីស និងអាល្លឺម៉ង់ ឈរក្នុងសាមគ្គីភាពជាមួយអ៊ីស្រាអែល ប៉ុន្តែក៏បានរំលឹកពីកាតព្វកិច្ចមនុស្សធម៌របស់ខ្លួន និងតម្រូវការសម្រាប់ដំណោះស្រាយការទូតចំពោះជម្លោះបច្ចុប្បន្ន។
លោក Meinl-Reisinger បានសង្កត់ធ្ងន់ថាអូទ្រីស ដូចជាប្រទេសអាល្លឺម៉ង់ ឈរយ៉ាងរឹងមាំនៅខាងអ៊ីស្រាអែល។ ប៉ុន្តែវាច្បាស់ណាស់ថាសម្រាប់យើង មនុស្សជាតិ និងកាតព្វកិច្ចនៅក្រោមច្បាប់អន្តរជាតិគឺមិនអាចចរចារបាន៕