នៅថ្ងៃទី ៣១ ខែសីហា ឆ្នាំ២០២៥ កិច្ចប្រជុំរួមរវាងគណបក្សប្រជាជន (PP) និងគណបក្សភឿថៃ (PTP) រួមទាំងដៃគូសម្ព័ន្ធរដ្ឋាភិបាលផ្សេងៗទៀត ត្រូវបានរៀបចំឡើង ដើម្បីពិភាក្សាពាក់ព័ន្ធនឹងការគាំទ្របេក្ខជននាយករដ្ឋមន្ត្រីរបស់ PTP គឺ លោក Chaikasem Nitisiri។
ប្រភពពីសារព័ត៌មានKhaosod។
ប៉ុន្តែកិច្ចប្រជុំនេះមិនទាន់ទទួលបានលទ្ធផលច្បាស់លាស់ឡើយ ខុសប្លែកពីការជួបពិភាក្សារវាង PP និងគណបក្ស Bhumjaithai (BJP) កាលពីថ្ងៃទី ២៩ ខែសីហា។ នេះដោយសារតែការពិភាក្សាលើកក្រោយមានការចូលរួមពីគណបក្សចម្រុះរដ្ឋាភិបាលជាច្រើន បណ្ដាលឱ្យមានការបង្ហាញមតិ និងលក្ខខណ្ឌផ្សេងៗគ្នា ដែលធ្វើឱ្យដំណើរការចរចាមានភាពស្មុគស្មាញជាងមុន។
មេដឹកនាំ PTP បានព្រមាន និងសុំអភ័យទោសជាមុន ក្នុងកិច្ចប្រជុំ ដោយបញ្ជាក់ពីប្រវត្តិការប្រឆាំងរបស់ BJP ចំពោះវិសោធនកម្មរដ្ឋធម្មនុញ្ញកន្លងមក។ ពួកគេបានសង្កត់ធ្ងន់ថា PTP មានសមត្ថភាពនិងឆន្ទៈដើម្បីជំរុញការកែប្រែច្បាប់ជាថ្មី ហើយបានលើកឡើងថា ត្រៀមខ្លួនទទួលយកលក្ខខណ្ឌរបស់គណបក្សប្រជាជន ប៉ុន្តែទាំងអស់អាស្រ័យលើការសម្រេចចិត្តរបស់ PP។
ប៉ុន្តែជាក់ស្ដែង មេដឹកនាំ PP នៅតែមានការសង្ស័យចំពោះទិសដៅនយោបាយរបស់ PTP ព្រោះមិនទាន់មានការប្រាកដថា បេក្ខជននាយករដ្ឋមន្ត្រីផ្សេងទៀតរបស់ PTP នឹងចូលរួមចរចាឬអត់។ កត្តានេះបានធ្វើឱ្យកិច្ចពិភាក្សាមានភាពមិនច្បាស់លាស់៕