នាយករដ្ឋមន្ត្រីថៃ លោក Anutin Charnvirakul បានតែងតាំង លោក សីហាស័ក្តិ ភួងកេតកែវ ជារដ្ឋមន្ត្រីការបរទេស ថ្ងៃទី 6 ខែកញ្ញា ក្នុងនាមជាមនុស្សក្រៅនយោបាយ។
ប្រភពពីសារព័ត៌មានThe Nation។
ការតែងតាំងនេះ ត្រូវបានពិពណ៌នាថា ជាជំហានដ៏សំខាន់ក្នុងការបង្កើនប្រសិទ្ធភាព និងភាពជឿជាក់ចំពោះការដឹកនាំក្រសួងការបរទេស។
លោក Anutin បានបញ្ជាក់ថាយើងចង់បានអ្នកជំនាញដែលមានចំណេះដឹងវិជ្ជាជីវៈពាក់ព័ន្ធនឹងក្រសួង ដើម្បីអាចចាប់ផ្តើមធ្វើការភ្លាមៗ។ វានឹងធានាថា អ្វីៗដំណើរការដោយគ្មានការពន្យារពេល។
អ្នកវិភាគនយោបាយថៃបានបង្ហាញថា ការតែងតាំង លោក សីហាស័ក្តិ ជារដ្ឋមន្ត្រីការបរទេស គឺជាសញ្ញាថា រដ្ឋាភិបាលថៃចង់ផ្តោតទៅលើ ការទូតអន្តរជាតិ និងការរួមចំណែកអាស៊ាន។ ជាពិសេស នៅពេលដែលប្រទេសកំពុងប្រឈមមុខនឹងបញ្ហាភូមិសាស្ត្រ-នយោបាយ និងសេដ្ឋកិច្ចពិភពលោក៕