កាលពីថ្ងៃសៅរ៍ទី៦ខែកញ្ញា ប្រធានាធិបតីលីបង់ លោក Joseph Aoun បានជំរុញឱ្យអាមេរិកដាក់សម្ពាធលើអ៊ីស្រាអែលឱ្យដកខ្លួនចេញពីទឹកដីដែលកាន់កាប់នៅភាគខាងត្បូងដើម្បីអនុញ្ញាតឱ្យមានការដាក់ពង្រាយកងទ័ពនៅក្នុងតំបន់។
ប្រភពពីសារព័ត៌មានAnadolu Agency។
ការអំពាវនាវនេះបានកើតឡើងក្នុងអំឡុងពេលកិច្ចប្រជុំរបស់ Aoun ក្នុងទីក្រុង Beirut ជាមួយឧត្តមនាវីឯក Brad Cooper មេបញ្ជាការនៃបញ្ជាការកណ្តាលសហរដ្ឋអាមេរិក (CENTCOM)។
ទីភ្នាក់ងារសារព័ត៌មានរដ្ឋ NNA បានរាយការណ៍ថា លោក Aoun បានអំពាវនាវឱ្យមានសម្ពាធលើអ៊ីស្រាអែល ដើម្បីអនុវត្តកិច្ចព្រមព្រៀងបទឈប់បាញ់ខែវិច្ឆិកា ឆ្នាំ 2024 បញ្ឈប់ការវាយប្រហារលើប្រទេសលីបង់ ដកខ្លួនចេញពីប៉ុស្តិ៍ដែលកាន់កាប់ចំនួនប្រាំនៅភាគខាងត្បូង និងដោះលែងអ្នកទោស។
លោកបាននិយាយថាការវាយប្រហាររបស់អ៊ីស្រាអែលបន្តនៅភាគខាងត្បូងរារាំងការដាក់ពង្រាយកងទ័ពលីបង់ទៅព្រំដែន។
លោក Aoun បានសង្កត់ធ្ងន់ថាកម្លាំងទាហានលីបង់ត្រូវបានដាក់ពង្រាយដល់ជាង ៨៥ ភាគរយនៃតំបន់ភាគខាងត្បូងនៃលីតានី៕