Category: ពត៌មានអន្តរជាតិ

ប្រធានាធិបតីអ៊ុយក្រែន លោក Volodymyr Zelenskyy កាលពីថ្ងៃសុក្រ(ទី១៤ខែមីនា)បាននិយាយថាលោកយល់ព្រមភ្លាមៗចំពោះសំណើរបស់សហរដ្ឋអាមេរិក សម្រាប់បទឈប់បាញ់ដោយគ្មានលក្ខខណ្ឌ ហើយរុស្ស៊ីនៅតែជាឧបសគ្គតែមួយគត់ ចំពោះសន្តិភាព។

នាយករដ្ឋមន្ត្រីរបស់ប្រទេសអ៊ីរ៉ាក់បានប្រកាសកាលពីថ្ងៃសុក្រ(ទី១៤ខែមីនា)ថា កងកម្លាំងសន្តិសុខអ៊ីរ៉ាក់បានសម្លាប់ឥស្សរជនកំពូល ISIS (Daesh) ដែលទទួលខុសត្រូវចំពោះប្រតិបត្តិការបរទេស ។

ប្រទេសប៉ាគីស្ថាន បាននិយាយកាលពីថ្ងៃសុក្រ(ទី១៤ខែមីនា)ថា ចំនួនអ្នកស្លាប់ដោយសារការប្លន់រថភ្លើង នៅក្នុងតំបន់ភាគនិរតីនៃប្រទេស បានកើនឡើងដល់ 30នាក់ ។ ខណៈដែលប៉ាគីស្ថាន បានចោទប្រកាន់ឥណ្ឌា និងអាហ្វហ្គានីស្ថានថា បានគាំទ្រពួកសកម្មប្រយុទ្ធ ដែលបានធ្វើសកម្មភាពប្លន់រថភ្លើង។ ប្រភពពីសារព័ត៌មានAnadolu Agency។

ក្រុមមន្ត្រីបាននិយាយកាលពីថ្ងៃព្រហស្បតិ៍(ទី១៣ខែមីនា)ថា យ៉ាងហោចណាស់មនុស្ស 9 នាក់ត្រូវបានស្លាប់ដោយព្យុះស៊ីក្លូនត្រូពិច Jude ក្នុងប្រទេស Mozambique និង Malawi ។ ប្រភពពីសារព័ត៌មានAnadolu Agency។

ក្រុមហាម៉ាស់ប៉ាឡេស្ទីនបាននិយាយកាលពីថ្ងៃព្រហស្បតិ៍(ទី១៣ខែមីនា)ថាសំណើថ្មីកំពុងត្រូវបានបង្ហាញក្នុងគោលបំណងដើម្បីគេចចេញពីកិច្ចព្រមព្រៀងឈប់បាញ់នៅហ្គាហ្សា។ ប្រភពពីសារព័ត៌មានAnadolu Agency។

កាលពីថ្ងៃព្រហស្បតិ៍(ទី១៣ខែមីនា)សមាជិកព្រឹទ្ធសភាអាមេរិកបានជំរុញឲ្យបើកការស៊ើបអង្កេតពាក់ព័ន្ធសន្និសីទសារព័ត៌មានរបស់ប្រធានាធិបតី Donald Trumpជាមួយ Elon Musk ដែលផ្សព្វផ្សាយក្រុមហ៊ុនTeslaនៅសេតវិមានក្នុងសប្តាហ៍នេះ។ ប្រភពពីសារព័ត៌មានAnadolu Agency។

យោងតាមរដ្ឋបាលអាកាសចរណ៍សហព័ន្ធ (FAA) បានឱ្យដឹងថា យន្តហោះរបស់ក្រុមហ៊ុនអាកាសចរណ៍អាមេរិកមួយបានឆេះនៅលើដីនៅឯអាកាសយានដ្ឋានអន្តរជាតិ Denver កាលពីល្ងាចថ្ងៃព្រហស្បតិ៍(ទី១៣ខែមីនា)។ ប្រភពពីសារព័ត៌មានAANews។

ប្រធានាធិបតីរុស្ស៊ីលោក វ្ល៉ាឌីមៀ ពូទីន បាននិយាយកាលពីថ្ងៃព្រហស្បតិ៍(ទី១៣ខែមីនា)ថា ប្រទេសរបស់លោកយល់ស្របនឹងសំណើរបស់អាមេរិកសម្រាប់បទឈប់បាញ់នៅអ៊ុយក្រែន ប៉ុន្តែបានសង្កត់ធ្ងន់ថាបទឈប់បាញ់ណាមួយនឹងត្រូវដោះស្រាយជាមួយនឹងមូលហេតុដើមនៃជម្លោះ។

តុលាការឧក្រិដ្ឋកម្មអន្តរជាតិ (ICC) បាននិយាយកាលពីថ្ងៃព្រហស្បតិ៍(ទី១៣ខែមីនា)ថា អតីតប្រធានាធិបតីហ្វីលីពីន លោក Rodrigo Duterte ត្រូវបានឃុំខ្លួននៅមជ្ឈមណ្ឌលឃុំឃាំងក្នុងទីក្រុង Scheveningen ដែលជាសង្កាត់មួយក្នុងទីក្រុងឡាអេ។ CNA។

ក្រសួងសុខាភិបាលប៉ាឡេស្ទីន បាននិយាយកាលពីថ្ងៃព្រហស្បតិ៍(ទី១៣ខែមីនា)ថា ក្រុមគ្រូពេទ្យនិងក្រុមជួយសង្គ្រោះប៉ាឡេស្ទីន បានរកឃើញសាកសពចំនួន៧បន្ថែមទៀតពីគំនរបាក់បែក នៅតំបន់ហ្គាហ្សាស្ទ្រីប ដែលជំរុញឱ្យចំនួនអ្នកស្លាប់សរុបពីសង្គ្រាមប្រល័យពូជសាសន៍ របស់អ៊ីស្រាអែលចាប់តាំងពីខែតុលាឆ្នាំ 2023 កើនដល់ 48,524នាក់។