Category: ពត៌មានអន្តរជាតិ

កងទ័ពអ៊ីស្រាអែល កាលពីថ្ងៃសៅរ៍បានទម្លាក់គ្រាប់បែក លើសាលារៀនមួយកន្លែងផ្សេងទៀត។ ដែលគ្រប់គ្រងដោយអង្គការសហប្រជាជាតិ (UN) នៅភាគខាងជើងតំបន់ហ្គាហ្សា ។ ដោយបានសម្លាប់ និងរងរបួសទៅដល់ជនសស៊ីវិលរាប់សិបនាក់ ដែលកំពុងរស់នៅទីនោះ ។

ការិយាល័យប្រព័ន្ធផ្សព្វផ្សាយ ក្នុងតំបន់ឡោមព័ទ្ធបាននិយាយកាលពីថ្ងៃអាទិត្យថា ចំនួនអ្នកស្លាប់នៅក្នុងការវាយប្រហាររបស់អ៊ីស្រាអែល លើតំបន់ហ្គាហ្សាស្ទ្រីប ចាប់តាំងពីថ្ងៃទី 7 ខែតុលា រហូតមកទល់និងពេលនេះ បានឡើងដល់ 13,000នាក់ ក្នុងនោះកុមារជាង 5,500 និងស្ត្រី3,500។

ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ជិតបូព៌ា (UNRWA) នាយកតំបន់ហ្គាហ្សា លោក Thomas White បានប្រកាសកាលពីថ្ងៃសៅរ៍ថា អ៊ីស្រាអែល បានអនុញ្ញាតឱ្យប្រេងឥន្ធនៈ ត្រឹមតែពាក់កណ្តាលចូលទៅក្នុងហ្គាហ្សាស្ទ្រីប ដែលត្រូវការសម្រាប់ជំនួយមនុស្សធម៌ប្រចាំថ្ងៃ.!។

កងកម្លាំង​ការពារ​អ៊ីស្រាអែល(IDF) បានលើកឡើង នៅក្នុង​សេចក្តីថ្លែងការណ៍​មួយ​ថាៈ យោធា​ខ្លួន​បានធ្វើការ​វាយប្រហារ ទៅលើ​ប្រទេស​លី​បង់ ដើម្បីឆ្លើយតប​ទៅ នឹង​ការបាញ់​ផ្លោង​ដោយ​អង្គការ​ស៊ី​អ៊ី​ត Hezbollah នៅ​តំបន់​ព្រំដែន ភាគខាងជើង។​

ប៉ូលិសនិយាយថា ជនសង្ស័យម្នាក់ បានបើកការបាញ់ប្រហារ ក្នុងបន្ទប់ទទួលភ្ញៀវ របស់មន្ទីរពេទ្យវិកលចរិកមួយកន្លែង នៅរដ្ឋ New Hampshire ដោយបានសម្លាប់មនុស្សម្នាក់ និងបណ្តាលឲ្យច្រើននាក់ទៀតរងរបួស មុនពេលមន្ត្រីបាញ់តបត ហើយសម្លាប់ជនដៃដល់។

ទីភ្នាក់ងារអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន ឬ UNRWA បាននិយាយកាលពីថ្ងៃសុក្រថា អង្គការមួយនេះ ត្រូវការប្រេងឥន្ធនៈ 160,000លីត្រ ជារៀងរាល់ថ្ងៃ ដើម្បីដំណើរការប្រតិបត្តិការសំខាន់ៗ និងជម្លៀសប្រជាជន នៅតំបន់ហ្គាហ្សាស្ទ្រីប។

ឧត្តមស្នងការសិទ្ធិមនុស្សរបស់អង្គការសហប្រជាជាតិ (UN) លោក Volker Turk កាលពីថ្ងៃព្រហស្បតិ៍សប្តាហ៍នេះ ។ បានលើកឡើង អំពីការចោទប្រកាន់ពាក់ព័ន្ធទៅនឹង ការរំលោភបំពានសិទ្ធិធ្ងន់ធ្ងរ នៅក្នុងសង្រ្គាមរវាងអ៊ីស្រាអែលនិងក្រុមហាម៉ាស ហើយលោកបានអំពាវនាវ ឱ្យអន្តរជាតិបើកការស៉ើបអង្កេតលើរឿងនេះ។

មន្ត្រីកម្មវិធីស្បៀងអាហារពិភពលោក (WFP) បានលើកឡើង កាលពីថ្ងៃព្រហស្បតិ៍ថា អ្នករស់នៅក្នុងតំបន់ហ្គាហ្សាស្ទ្រីប ។ ដែលស្ថិតនៅក្រោមការឡោមព័ទ្ធ របស់អ៊ីស្រាអែល កំពុងប្រឈមនឹងការអត់ឃ្លាន។

មុននេះបន្តិច សមាគមអឌ្ឍចន្ទក្រហមប៉ាឡេស្ទីន បានប្រកាសថា រថក្រោះរបស់អ៊ីស្រាអែល កំពុងឡោមព័ទ្ធមន្ទីរពេទ្យ Al-Ahli Baptist ក្នុងទីក្រុង Gaza ។

ប្រធានការិយាល័យ នយោបាយរបស់ក្រុម Hamas បាននិយាយកាលពីថ្ងៃព្រហស្បតិ៍ថា កងកម្លាំងតស៊ូនៅតំបន់ហ្គាហ្សាស្ទ្រីប ត្រូវបានរៀបចំសម្រាប់សង្គ្រាមដ៏រ៉ាំរ៉ៃជាមួយកងទ័ពអ៊ីស្រាអែល។