Category: ពត៌មានអន្តរជាតិ

ប៉ូលីសនៅក្នុងប្រទេសហៃទី បានសម្លាប់សមាជិកក្រុមក្មេងទំនើងជាង 100 នាក់ក្នុងអំឡុងពេលប្រតិបត្តិការរយៈពេល 48 ម៉ោងដោយប្រើដ្រូននេះបើយោងតាមរបាយការណ៍ប្រព័ន្ធផ្សព្វផ្សាយក្នុងស្រុកកាលពីថ្ងៃពុធ(ទី១១ខែមិថុនា)។ ប្រភពពីសារព័ត៌មានAljazeera។

កាលពីថ្ងៃពុធ(ទី១១ខែមិថុនា) សារព័ត៌មាន Yonhap បានរាយការណ៍ថា យន្តហោះចម្បាំង KF-16 របស់កូរ៉េខាងត្បូងមួយគ្រឿងបានរងការខូចខាត ខណៈពេលដែលចូលរួមក្នុងសមយុទ្ធដែនអាកាសរួមគ្នាជាមួយអាមេរិកក្នុងរដ្ឋអាឡាស្កា។ ប្រភពពីសារព័ត៌មានReuters។

កាលពីថ្ងៃពុធ ទី១១ ខែមិថុនាគ្រោះរញ្ជួយដីកម្រិត ៦.៤ រ៉ិចទ័រ បានវាយប្រហារនៅឆ្នេរសមុទ្រភាគខាងកើតរបស់កោះតៃវ៉ាន់។

ប្រធានាធិបតីបារាំង លោក Emmanuel Macron បានប្រកាសថា លោកនឹងជំរុញឲ្យមានបទប្បញ្ញត្តិរបស់សហភាពអឺរ៉ុប ដើម្បីហាមឃាត់កុមារអាយុក្រោម ១៥ឆ្នាំពីការប្រើប្រាស់បណ្ដាញសង្គម បន្ទាប់ពីមានករណីចាក់សម្លាប់យ៉ាងសាហាវមួយនៅឯសាលារៀនមួយកន្លែងនៅភាគខាងកើតប្រទេសបារាំង។

កាលពីថ្ងៃពុធ ទី១១ ខែមិថុនា យោធាកូរ៉េខាងត្បូង ប្រកាសថា ខ្លួនបានផ្អាកការផ្សាយតាមឧបករណ៍បំពងសម្លេងនៅជិតព្រំដែនទៅកាន់កូរ៉េខាងជើងជិតមួយឆ្នាំ ។ បន្ទាប់ពីបានបន្តយុទ្ធនាការឃោសនា និងចាក់បទចម្រៀង K-pop នេះឡើងវិញ។

កាលពីថ្ងៃពុធ ទី១១ ខែមិថុនា ប្រធានាធិបតីអាមេរិក លោក ដូណាល់ ត្រាំ បាននិយាយថាបុគ្គលិកមួយចំនួនរបស់រដ្ឋាភិបាលអាមេរិកនឹងត្រូវចាកចេញពីតំបន់មជ្ឈិមបូព៌ា ដោយសារតែតំបន់នេះអាចនឹងក្លាយជាកន្លែងគ្រោះថ្នាក់។ ប្រភពពីសារព័ត៌មាន Reuters។

កាលពីថ្ងៃពុធ ទី១១ ខែមិថុនា សេតវិមាន បាននិយាយថាប្រធានាធិបតីអាមេរិក លោក ដូណាល់ ត្រាំ នឹងរីករាយចំពោះការទំនាក់ទំនងជាមួយមេដឹកនាំកូរ៉េខាងជើង លោក គីម ជុងអ៊ុន បន្ទាប់ពីធ្លាប់មានទំនាក់ទំនងមិត្តភាពនឹងគ្នាជាមួយលោក គីម កាលពីអាណត្តិទី១របស់លោក។

កាលពីថ្ងៃពុធ ទី១១ ខែមិថុនា ឆ្នាំ២០២៥ ក្រសួងការពារជាតិជប៉ុន និយាយថាយន្ដហោះចម្បាំងចិនបានហោះទៅក្បែរយន្ដហោះល្បាតរបស់ជប៉ុនខុសប្លែកពីធម្មតាកាលពីចុងសប្ដាហ៍កន្លងទៅ ខណៈនាវាផ្ទុកយន្ដហោះចម្បាំងចិន២គ្រឿង បានធ្វើប្រតិបត្តិការក្នុងតំបន់មហាសមុទ្រប៉ាស៊ីហ្វិក។

មន្ត្រីជាន់ខ្ពស់រដ្ឋាភិបាលអ៊ីរ៉ាក់បានបញ្ជាក់កាលពីថ្ងៃពុធ(ទី១១ខែមិថុនា)ថាការសម្រេចចិត្តរបស់សហរដ្ឋអាមេរិកក្នុងការជម្លៀសបុគ្គលិកមិនសំខាន់មួយចំនួនចេញពីស្ថានទូតរបស់ខ្លួនក្នុងទីក្រុងបាកដាដគឺជាផ្នែកមួយនៃនីតិវិធីការទូតរបស់សហរដ្ឋអាមេរិកនៅទូទាំងមជ្ឈិមបូព៌ា ហើយមិនទាក់ទងនឹងការគំរាមកំហែងសន្តិសុខជាក់លាក់ណាមួយនៅក្នុងប្រទេសអ៊ីរ៉ាក់នោះទេ។

មនុស្ស៩នាក់បានស្លាប់ ខណៈដែលក្មេងសិស្សសាលា 3នាក់ទៀតមានជីវិត បន្ទាប់ពីទឹកជំនន់បានបោកបក់ឡានក្រុងដឹកក្មេងសិស្សសាលាមួយគ្រឿងក្នុងខេត្ត Eastern Cape របស់អាហ្វ្រិកខាងត្បូងកាលពីថ្ងៃអង្គារ(ទី១០ខែមិថុនា)។ ប្រភពពីសារព័ត៌មានAljazeera។