លោកប្រធានាធិបតី Donald Trump បាននិយាយកាលពីថ្ងៃពុធ(ទី២៦ខែកុម្ភៈ)ថា ប្រធានាធិបតីអ៊ុយក្រែនលោក Volodymyr Zelenskyy នឹងធ្វើទស្សនកិច្ចនៅសេតវិមាននៅថ្ងៃសុក្រ ដើម្បីបញ្ចប់កិច្ចព្រមព្រៀងរ៉ែសំខាន់ៗជាមួយអាមេរិក។
ប្រភពពីសារព័ត៌មានAnadolu។
លោក Trump បានប្រាប់អ្នកយកព័ត៌មានថា “ប្រធានាធិបតី Zelensky នឹងមកដល់នៅថ្ងៃសុក្រ។ នោះត្រូវបានបញ្ជាក់ហើយ យើងនឹងចុះហត្ថលេខាលើកិច្ចព្រមព្រៀងមួយ ដែលនឹងក្លាយជាកិច្ចព្រមព្រៀងដ៏ធំមួយ” លោក Trump បានប្រាប់អ្នកយកព័ត៌មាននៅពេលគាត់បានកោះប្រជុំគណៈរដ្ឋមន្ត្រីរបស់គាត់ជាលើកដំបូងចាប់តាំងពីគាត់បានចូលកាន់តំណែងកាលពីខែមុន។
លោក Trump បានថ្លែងអំណរគុណដល់រដ្ឋមន្ត្រីក្រសួងពាណិជ្ជកម្មលោក Howard Lutnick និងលោក Scott Bessent រដ្ឋមន្ត្រីក្រសួងរតនាគារសម្រាប់ការងាររបស់ពួកគេក្នុងការបង្កើតកិច្ចព្រមព្រៀងនេះ ដែលលោកបាននិយាយថានឹងរួមបញ្ចូលសិទ្ធិសម្រាប់រ៉ែកម្ររបស់អ៊ុយក្រែន និងធនធានធម្មជាតិផ្សេងទៀត៕