កាលពីថ្ងៃចន្ទ(ទី១៤ខែកក្កដា) ក្រសួងដឹកជញ្ជូនរបស់រុស្ស៊ី បានប្រកាសថា ការហោះហើរត្រង់រវាងទីក្រុងមូស្គូ និងទីក្រុងព្យុងយ៉ាងនឹងចាប់ផ្តើមនៅថ្ងៃទី 27 ខែកក្កដា ដែលជាការតភ្ជាប់ផ្លូវអាកាសលើកដំបូងមិនធ្លាប់មានរវាងរុស្ស៊ីនិងកូរ៉េខាងជើង។
ប្រភពពីសារព័ត៌មានAljazeera។
ក្រុមហ៊ុនអាកាសចរណ៍ Nordwind នឹងដំណើរការជើងហោះហើរមួយរៀងរាល់ខែ ហើយពេលវេលាហោះហើរនឹងមានប្រហែលប្រាំបីម៉ោង។ ការសម្រេចចិត្តនេះ ធ្វើឡើងបន្ទាប់ពី ការអនុម័តថ្មីៗនេះរបស់ Rosaviatsiya សម្រាប់ការធ្វើដំណើរតាមផ្លូវអាកាសជាប្រចាំរវាងប្រទេសទាំងពីរ។
ក្រសួងបាននិយាយនៅក្នុងសេចក្តីថ្លែងការណ៍មួយថា “នេះជាលើកដំបូងដែលរដ្ឋធានីនៃប្រទេសរុស្ស៊ី និងកូរ៉េខាងជើងនឹងត្រូវបានភ្ជាប់ដោយការហោះហើរត្រង់” ដោយបន្ថែមថាសេវាកម្មនេះមានគោលបំណងបង្កើតតម្រូវការស្ថិរភាពបន្តិចម្តងៗ។
អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយថា ទីក្រុងម៉ូស្គូ និងទីក្រុងព្យុងយ៉ាងកំពុងធ្វើការដើម្បីពង្រីកការតភ្ជាប់ផ្លូវអាកាស បន្ទាប់ពីការចាប់ផ្តើមឡើងវិញនូវសេវាផ្លូវដែកក្នុងខែមិថុនា៕