សេតវិមាន កាលពីថ្ងៃព្រហស្បតិ៍ បានច្រានចោលយ៉ាងដាច់អហង្ការ ចំពោះការចោទប្រកាន់ថា៖ អាមេរិក ជាអ្នកផ្តល់ភ្លើងខៀវ ឱ្យអ៊ីស្រាអែល ក្នុងការវាយលុកទីក្រុងរ៉ាហ្វា ភាគខាងត្បូងហ្គាហ្សា។
អ្នកនាំពាក្យក្រុមប្រឹក្សាសន្តិសុខជាតិបានប្រាប់លោក Anadolu ក្នុងលក្ខខណ្ឌមិនបញ្ចេញឈ្មោះថា ការអះអាងនេះ “មិនពិត និងមិនមែនជាអ្វីដែលត្រូវបានពិភាក្សានោះទេ” ។
សារព័ត៌មាន Al-Araby al-Jadeed ដែលមានមូលដ្ឋាននៅទីក្រុងឡុងដ៍ បានរាយការណ៍មុននេះថា រដ្ឋបាលលោក Biden បានផ្តល់ការយល់ព្រមជាថ្នូរ នឹងការប្តេជ្ញារបស់អ៊ីស្រាអែលថា នឹងមិនអនុវត្តការសងសឹកទ្រង់ទ្រាយធំប្រឆាំងនឹងអ៊ីរ៉ង់។
ចំពោះការវាយប្រហារមីស៊ីលផ្លោង និងយន្តហោះគ្មានមនុស្សបើក ដែលមិនធ្លាប់មានពីមុនមកកាលពីចុងសប្តាហ៍មុន។
អ្នកនាំពាក្យក្រុមប្រឹក្សាសន្តិសុខជាតិបាននិយាយតាមអ៊ីមែលថា៖ របាយការណ៍នេះមិនត្រឹមត្រូវ។
ទីក្រុងតេអេរ៉ង់បានធ្វើការវាយប្រហារពេញមួយយប់ លើអ៊ីស្រាអែលកាលពីថ្ងៃសៅរ៍ ជាការឆ្លើយតប ទៅនឹងការវាយប្រហារកាលពីថ្ងៃទី១ ខែមេសា ទៅលើស្ថានកុងស៊ុលរបស់ខ្លួននៅក្នុងប្រទេសស៊ីរី ដែលបានសម្លាប់មន្ត្រីយោធាអ៊ីរ៉ង់៧ នាក់រួមទាំងមេបញ្ជាការកងឆ្មាំបដិវត្តន៍អ៊ីស្លាមលំដាប់កំពូលពីរនាក់សម្រាប់ប្រទេសស៊ីរីនិងលីបង់។
ទោះជាយ៉ាងណា អ៊ីស្រាអែលមិនបានទទួលខុសត្រូវជាផ្លូវការចំពោះការវាយប្រហារនោះទេ ។
ប៉ុន្តែបានធ្វើការវាយប្រហារលើគោលដៅរបស់អ៊ីរ៉ង់នៅទូទាំងប្រទេសស៊ីរីក្នុងរយៈពេលប៉ុន្មានខែថ្មីៗនេះ។ សហរដ្ឋអាមេរិកបានបដិសេធថាមិនមានតួនាទីអ្វីក្នុងនោះទេ។
នាយករដ្ឋមន្ត្រីអ៊ីស្រាអែល លោក Benjamin Netanyahu ក៏បានសន្យាជាយូរមកហើយថា នឹងអនុវត្តការលុកលុយក្រុង Rafah ។
ដែលជាកន្លែងដែលប្រជាជនប៉ាឡេស្ទីន1.5 លាននាក់បានស្វែងរកការជ្រកកោនបន្ទាប់ពីត្រូវបានផ្លាស់ទីលំនៅមុនក្នុងអំឡុងពេលសង្រ្គាមជាងកន្លះឆ្នាំ។
រដ្ឋបាលលោក Biden បាននិយាយថា ខ្លួននឹងមិនគាំទ្រការលុកលុយដែលមិនគិតពីបញ្ហាមនុស្សធម៌ដែលនឹងកើតឡើងនោះទេ ។
ហើយសេតវិមានបាននិងកំពុងព្យាយាមកំណត់ពេលអង្គុយចុះជាមួយគណៈប្រតិភូអ៊ីស្រាអែលនៅទីក្រុងវ៉ាស៊ីនតោនដើម្បីធ្វើបទបង្ហាញជំនួស។
មកទល់ពេលនេះ មានតែការប្រជុំនិម្មិតប៉ុណ្ណោះ ដែលបានដំណើរការ។
របាយការណ៍បានណែនាំថា ជុំនិម្មិតមួយផ្សេងទៀតនឹងប្រព្រឹត្តទៅនៅថ្ងៃព្រហស្បតិ៍៕