Category: ពត៌មានអន្តរជាតិ

អ្នកនាំពាក្យក្រសួងការពារជាតិថៃ កាលពីថ្ងៃសៅរ៍(ទី៣០ខែវិច្ឆិកា) នេះបានឱ្យដឹងថាទាហានជើងទឹកនៃប្រទេសមីយ៉ាន់ម៉ា បានបាញ់ប្រហារមកលើទូកនេសាទថៃមួយក្រុមជាហេតុបង្កឱ្យអ្នកនេសាទថៃម្នាក់លង់ទឹកស្លាប់ នឹងបានឃាត់ខ្លួន៣១នាក់ផ្សេងទៀត នៃទូកនេសាទមួយក្នុងចំណោមនោះ។

ជនស៊ីវិលជាច្រើននាក់ត្រូវបានសម្លាប់នៅក្នុងការវាយប្រហារតាមអាកាស ដែលមិនស្គាល់អត្តសញ្ញាណមួយទៅលើកណ្តាលទីក្រុង Aleppo ក្នុងប្រទេសស៊ីរី។

កាលពីថ្ងៃសៅរ៍(ទី៣០ខែវិច្ឆិកា) ជនជាតិប៉ាឡេស្ទីន33នាក់ក្នុងនោះបុគ្គលិក World Central Kitchen បីនាក់ត្រូវបានសម្លាប់ និងជាច្រើននាក់ផ្សេងទៀតបានរងរបួសខណៈដែលកងកម្លាំងអ៊ីស្រាអែលបានបង្កើនការវាយប្រហាររបស់ពួកគេនៅទូទាំងតំបន់ជាច្រើននៃតំបន់ហ្គាហ្សាស្ទ្រីប។ ប្រភពពីសារព័ត៌មានAnadolu។

លោក Justin Trudeau នាយករដ្ឋមន្ត្រីកាណាដា បានទៅទស្សនារមណីយដ្ឋានរបស់លោក ដូណាល់ ត្រាំ នៅឯរដ្ឋ Florida ដើម្បីជួបប្រធានាធិបតីជាប់ឆ្នោតអាមេរិករូបនេះ ប៉ុន្មានថ្ងៃប៉ុណ្ណោះ។ក្រោយលោក ត្រាំ គំរាមយកពន្ធលើការនាំចូលរបស់កាណាដា ជុំវិញការព្រួយបារម្ភទាក់ទងនឹងព្រំដែន។

គិតត្រឹមថ្ងៃសៅរ៍ ទី៣០ ខែវិច្ឆិកា អ្នកស្លាប់ដោយសារគ្រោះទឹកជំនន់ដ៏អាក្រក់បំផុតមិនធ្លាប់មានរយៈពេលច្រើនទសវត្សរ៍ នៅភាគខាងត្បូងប្រទេសថៃ បានកើនឡើងដល់ ៩នាក់ ខណៈមនុស្សរាប់ម៉ឺននាក់ត្រូវបានជម្លៀស ដោយសារកម្រិតទឹកចេះតែកេីនឡេីង បីថ្ងៃកន្លងមក។

មេដឹកនាំក្រុមហេសបូឡា បាននិយាយថារូបលោកនឹងធ្វើការជាមួយកងទ័ពលីបង់ ដើម្បីអនុវត្តតាមបទឈប់បាញ់ដែលក្រុមរបស់លោកបានព្រមព្រៀងគ្នាជាមួយ អ៊ីស្រាអែល ក្រោយមានការចោទប្រកាន់គ្នាទៅវិញទៅមកអំពីការបំពានលើបទឈប់បាញ់។ ប្រភពពីសារព័ត៌មាន Reuters។

ក្រុមមន្ត្រីម៉ាឡេស៊ី នៅថ្ងៃសៅរ៍ (ទី៣០ ខែវិច្ឆិកា) និយាយថាប្រជាជនជាង ១២២ ០០០នាក់ត្រូវបានបង្ខំចិត្តចាកចេញពីផ្ទះសម្បែងរបស់ពួកគេជាបណ្ដោះអាសន្ន ខណៈគ្រោះទឹកជំនន់ដ៏សម្បើមមួយដែលបង្កឡើងដោយភ្លៀងធ្លាក់ខ្លាំង បានវាយប្រហារបណ្ដារដ្ឋនៅភាគខាងជើងនៃប្រទេស។

មន្ទីរបញ្ចកោណបាននិយាយកាលពីថ្ងៃសុក្រ(ទី២៩ខែវិច្ឆិកា)ថា ក្រសួងការបរទេសសហរដ្ឋអាមេរិកបានអនុម័តការលក់សក្តានុពលនៃគ្រឿងបន្លាស់សម្រាប់យន្តហោះចម្បាំង និងរ៉ាដា F-16 ដល់កោះតៃវ៉ាន់ក្នុងតម្លៃប៉ាន់ស្មាន ៣៨៥ លានដុល្លារ។

អង្គការសិទ្ធិមនុស្សរាយការណ៍ថា មនុស្ស៧៣ នាក់បានស្លាប់ និងជាច្រើននាក់ទៀតរងរបួស នៅក្នុងអំពើហិង្សាក្រោយការបោះឆ្នោតនៅប្រទេសម៉ូសំប៊ិកកាន់តែខ្លាំងឡើង។ ប្រភពពីសារព័ត៌មានAnadolu។

មន្ត្រីនិងអ្នកស្រុកបាននិយាយថា អ្នកដំណើរជិត ២០០នាក់ ត្រូវបានគេរាយការណ៍ថាបានបាត់ខ្លួនកាលពីថ្ងៃសុក្រ(ទី២៩ខែវិច្ឆិកា)បន្ទាប់ពីទូកមួយបានលិចនៅក្នុងប្រទេសនីហ្សេរីយ៉ា។ ប្រភពពីសារព័ត៌មានAnadolu។