Category: ពត៌មានអន្តរជាតិ

អ្នកនាំពាក្យយោធាចិន នៅថ្ងៃសុក្រនេះ បានជំរុញឱ្យអាមេរិក បញ្ឈប់ការផ្គត់ផ្គង់អាវុធដល់កោះតៃវ៉ាន់..!។ -នេះបើយោងតាម ទីភ្នាក់ងារសារព័ត៌មានស៊ីនហួរ នៅថ្ងៃទី២១ ខែមិថុនា ឆ្នាំ២០២៤។

ប៉ូលីសនៅប្រទេសកេនយ៉ា បានបាញ់ឧស្ម័នបង្ហូរទឹកភ្នែក និងប្រើប្រាស់កាណុងបាញ់ទឹក។ ដើម្បីបំបែកក្រុមអ្នកតវ៉ា ដែលប្រមូលផ្តុំគ្នា នៅជិតសភា ក្នុងរដ្ឋធានី ។ ខណៈពួកគេធ្វើបាតុកម្ម ប្រឆាំងនឹងការដំឡើងពន្ធ ដែលមនុស្សជាច្រើន មានការភ័យខ្លាច នឹងធ្វើឱ្យវិបត្តិ តម្លៃរស់នៅកាន់តែអាក្រក់ទៅៗ។

ប្រទេសកូរ៉េខាងត្បូង កាលពីថ្ងៃព្រហស្បតិ៍ បាននិយាយថា ខ្លួននឹងពិចារណាឡើងវិញ នូវបញ្ហាការផ្គត់ផ្គង់អាវុធដល់អ៊ុយក្រែន បន្ទាប់ពីគូប្រជែងកូរ៉េខាងជើង និងរុស្ស៊ី បានចុះហត្ថលេខា លើសន្ធិសញ្ញាភាពជាដៃគូថ្មីមួយ។

ប្រមុខអង្គការសហប្រជាជាតិ កាលពីថ្ងៃសុក្រ បានសម្តែងការព្រួយបារម្ភយ៉ាងខ្លាំង។ ចំពោះភាពតានតឹង ដែលកំពុងកើនឡើងរវាងអ៊ីស្រាអែល និងក្រុមហេសបូឡា លីបង់ ។ ដោយនិយាយថា ពិភពលោក មានការព្រួយបារម្ភ ក្រែងលីបង់ នឹងក្លាយជាតំបន់ហ្គាហ្សាមួយផ្សេងទៀត ។

យោធាបាននិយាយ នៅក្នុងសេចក្តីថ្លែងការណ៍មួយថា៖ យ៉ាងហោចណាស់ទាហាន ៥នាក់បានស្លាប់ ដោយសារករណីបំផ្ទុះគ្រាប់ នៅភាគពាយព្យ នៃប្រទេសប៉ាគីស្ថាន កាលពីថ្ងៃសុក្រ។

យ៉ាងហោចណាស់ ក៏មានជនជាតិប៉ាឡេស្ទីន 25 នាក់ត្រូវបានសម្លាប់ និង 50នាក់ផ្សេងទៀតរងរបួសកាលពីថ្ងៃសុក្រ ។

អ៊ីស្រាអែល និងក្រុមហេសបូឡាបានបើកការវាយប្រហារគ្នាឆ្លងព្រំដែនថ្មី ។

អ្នកនាំពាក្យស្ថានទូតចិន ប្រចាំប្រទេសជប៉ុន បាននិយាយនៅថ្ងៃសុក្រ (២១មិថុនា) នេះថា ប្រទេសជប៉ុន មិនមែនជាភាគីនៃបញ្ហាសមុទ្រចិនខាងត្បូងទេ ។ ហើយមិនមានសិទ្ធិធ្វើអន្តរាគមន៍ ក្នុងបញ្ហាដែនសមុទ្រចិន-ហ្វីលីពីនឡើយ។

រដ្ឋាភិបាលម៉ិកស៊ិក បាននិយាយកាលពីថ្ងៃព្រហស្បតិ៍សប្ដាហ៍នេះថា៖ ម៉ិកស៊ិក បានចុះឈ្មោះអ្នកស្លាប់ចំនួន១៥៥នាក់ ដោយសារសីតុណ្ហភាពឡើងក្ដៅខ្លាំងពេកចាប់តាំងពីខែមីនា មក ។

មន្ត្រីអ៊ុយក្រែន បាននិយាយថា ប្រទេសរុស្ស៊ី បានបាញ់បង្ហោះកាំជ្រួចមីស៊ីល និងយន្តហោះគ្មានមនុស្សបើក មកលើអ៊ុយក្រែន នៅព្រឹកព្រលឹមថ្ងៃទី 20 ខែមិថុនា ។ ដែលបណ្តាលឱ្យខូចខាត “យ៉ាងខ្លាំង” ដល់រោងចក្រថាមពលកំដៅ និងរក្សាសម្ពាធលើបណ្តាញអគ្គិសនី។